జ‌వాన్ అండ్ కాస్పియ‌న్ ఇంట‌ర్నేష‌న‌ల్ బ్యాన‌ర్‌పై సంజీవ్, సాయికృప జంట‌గా సుధాక‌ర్ వినుకొండ స్వీయ ద‌ర్శ‌క నిర్మాణంలో రూపొందుతోన్న చిత్రం ఇద్ద‌రం. కిర‌ణ్ శంకర్ సంగీతం అందించిన ఈ సినిమా పాట‌ల‌ను బుధవారం హైద‌రాబాద్‌లోని ప్ర‌సాద్ ల్యాబ్స్‌లో విడుద‌ల చేశారు. తమ్మారెడ్డి భ‌ర‌ద్వాజ బిగ్ సీడీ, ఆడియో సీడీల‌ను విడుద‌ల చేశారు. హీరో న‌వ‌దీప్ తొలి ఆడియో సీడీని అందుకున్నారు.
తమ్మారెడ్డి మాట్లాడుతూ ``ఈ సినిమా ప్రోమోను ముందే చూశాను. చాలా బాగా అనిపించింది. సందీప్‌తో నాకు మంచి ప‌రిచ‌య‌మే ఉంది. సినిమాను చ‌క్క‌గా తెర‌కెక్కించాడ‌నిపించింది. అలాగే నాకెంతో ఇష్ట‌మైన న‌టుడు రంగనాథ్‌గారు ఈ సినిమాలో యాక్ట్ చేశారు. పాట‌లు, సినిమా పెద్ద స‌క్సెస్ కావాల‌ని కోరుకుంటున్నాను`` అన్నారు.
న‌వ‌దీప్ మాట్లాడుతూ ``ట్రైల‌ర్‌, పాట‌లు చాలా బావున్నాయి. సినిమా ఎంట‌ర్‌టైనింగ్‌గా ఉంటుంద‌నిపించింది. టీమ్ అంద‌రికీ ఆల్ ది బెస్ట్‌`` అన్నారు.
ద‌ర్శ‌కుడు సుధాక‌ర్ మాట్లాడుతూ ``మనం పేప‌ర్స్‌లో గ్యాంగ్ రేప్స్ గురించిన వార్త‌ల‌ను చ‌దువుతూనే ఉంటాం. ఆ గ్యాంగ్ రేప్ చేసేవాళ్ల‌లో ఒక మంచి వ్య‌క్తి ఉంటే ఏమ‌వుతుంద‌నే కాన్సెప్ట్‌తో చేసిన సినిమాయే ఇది. మంచి రొమాంటిక్‌, స‌స్పెన్స్‌, థ్రిల్ల‌ర్ మూవీ. సినిమాను జూలై 1న విడుద‌ల చేయ‌డానికి ప్లాన్ చేస్తున్నాం`` అన్నారు.
స‌హ నిర్మాత శివ‌దీప్ స్వామి మాట్లాడుతూ ``కిర‌ణ్‌శంక‌ర్‌గారు మంచి మ్యూజిక్ అందించారు. సినిమా చాలా బాగా వ‌చ్చింది. ప్రేక్ష‌కులు మా ప్ర‌య‌త్నాన్ని ఆద‌రిస్తార‌ని న‌మ్ముతున్నాం`` అన్నారు.
మ్యూజిక్ డైరెక్ట‌ర్ మాట్లాడుతూ ``సంగీతం చేసే అవ‌కాశం నాకు క‌ల్పించిన సుధాక‌ర్‌గారికి థాంక్స్‌`` అన్నారు.
హీరో సంజీవ్ మాట్లాడుతూ ``వెల్‌క‌మ్ ఒబామా త‌ర్వాత నేను యాక్ట్ చేసిన మూవీ. మ్యూజిక్, సినిమాటోగ్ర‌ఫీ, సుధాక‌ర్‌గారు ఎంతో క‌ష్ట‌ప‌డి సినిమాను రూపొందించారు. ఈ సినిమా మా అంత‌టికీ మంచి పేరు తీసుకొస్తుంద‌ని భావిస్తున్నాం`` అన్నారు.
