6 November 2024
Hyderabad

ప్రిన్స్ శివకార్తికేయన్, సాయి పల్లవి బ్రేవ్ హార్ట్ బ్లాక్ బస్టర్ 'అమరన్'. రాజ్‌కుమార్ పెరియసామి దర్శకత్వం వహించిన ఈ చిత్రాన్ని ఉలగనాయగన్ కమల్ హాసన్, R. మహేంద్రన్, సోనీ పిక్చర్స్ ఇంటర్నేషనల్ ప్రొడక్షన్స్, గాడ్ బ్లెస్ ఎంటర్‌టైన్‌మెంట్‌తో కలిసి నిర్మించారు. నితిన్ ఫాదర్ సుధాకర్ రెడ్డి, సిస్టర్ నిఖిత రెడ్డి ఈ చిత్రాన్ని తెలుగులో శ్రేష్ట్ మూవీస్ బ్యానర్ ద్వారా గ్రాండ్ గా విడుదల చేశారు. దీపావళి కానుకగా అక్టోబర్ 31న విడుదలైన ఈ చిత్రం అన్ని వర్గాల ప్రేక్షకులని అలరించి ఘన విజయాన్ని సాధించి సక్సెస్ ఫుల్ గా రన్ అవుతోంది. ఈ సందర్భంగా టీం 'అమరన్' బ్రేవ్ హార్ట్ బ్లాక్ బస్టర్ సక్సెస్ మీట్ నిర్వహించింది. హీరో నితిన్ చీఫ్ గెస్ట్ గా పాల్గొన్న ఈ వేడుక చాలా గ్రాండ్ గా జరిగింది.

అమరన్ బ్రేవ్ హార్ట్ బ్లాక్ బస్టర్ సక్సెస్ మీట్ హీరో నితిన్ మాట్లాడుతూ.. అందరికీ నమస్కారం. ముందుగా ఆడియన్స్ అందరికీ థాంక్యూ. దీపావళికి మూడు సినిమాలు వచ్చాయి. ఈ మూడు సినిమాల్ని పెద్ద హిట్ చేశారు. థాంక్యూ ఆల్. తమిళ్ డబ్బింగ్ సినిమాలా కాకుండా స్ట్రైట్ తెలుగు సినిమాల చూసి అమరన్ ని ఇంత పెద్ద హిట్ చేసిన ఆడియన్స్ అందరికీ థాంక్యూ సో మచ్. విక్రమ్, అమరన్ సినిమాల్లో మమ్మల్ని పార్ట్ చేసిన కమల్ హాసన్ గారికి మహేంద్రన్ గారికి థాంక్యూ సో మచ్. అమరన్ సినిమా తీసుకున్నప్పుడు డాడీ చాలా కాన్ఫిడెంట్ గా ఉన్నారు. దానికి కారణం కమల్ హాసన్ గారు, రెండు సాయి పల్లవి. ఒక దేశభక్తి సినిమాలో లవ్, ఫ్యామిలీ ఎలిమెంట్స్ ని బ్లెండ్ చేయడం అంత ఈజీ కాదు. డైరెక్టర్ రాజ్ కుమార్ చాలా అద్భుతంగా ఈ సినిమాని తీర్చిదిద్దారు. క్లైమాక్స్ లో వచ్చే ఎమోషనల్ సీన్స్ రియల్లీ హార్ట్ టచింగ్. ఈ సినిమాతో డైరెక్టర్ గారికి ఫ్యాన్ గా మారిపోయాను. సాయి పల్లవి గారి వర్క్ కి నేను గ్రేట్ ఫ్యాన్ ని. సాయి పల్లవి గారి డాన్స్ కి కూడా నేను పెద్ద అభిమానిని. సాయి పల్లవి గారితో ఒక సినిమాలో డాన్స్ చేయాలి. అది నాకు గ్రేట్ చాలెంజ్. ఆ రోజు తొందరలోనే రావాలని కోరుకుంటున్నాను. అమరన్ లో సాయి పల్లవి గారు నేషనల్ అవార్డు విన్నింగ్ పర్ఫామెన్స్ ఇచ్చారు. శివ కార్తికేయన్, నేను గత నాలుగేళ్లుగా ఫోన్లో, మెసేజెస్ లో మాట్లాకుంటున్నాం. ఫైనల్ గా ఈరోజు ఈ సక్సెస్ మీట్ లో కలవడం చాలా ఆనందంగా ఉంది. ఈ సినిమాలో ఆయన జీవించేసారు. చాలా అద్భుతమైన ట్రాన్స్ఫర్మేషన్ చూపించారు. ఆయన హార్డ్ వర్క్ కి హ్యాట్సాఫ్. ఈ సినిమాతోశివ కార్తికేయన్ మా తెలుగు హీరో, తెలుగు అబ్బాయి అయిపోయారు. అమరన్ ఈ వీక్ తో లైఫ్ టైం కలెక్షన్స్ ఆఫ్ విక్రమ్ నీకు క్రాస్ చేస్తుంది. ఈ సినిమా ఎక్కడ ఆగుతుందో తెలీదు. ఎవ్రీ డే పిక్ అవుతుంది. అమరన్ టీమ్ అందరికీ థాంక్యు. ఈ అవకాశం ఇచ్చిన కమల్ హాసన్ గారికి థాంక్యూ. జైహింద్' అన్నారు

హీరో శివ కార్తికేయన్ మాట్లాడుతూ.. అమరన్ మూవీని థియేటర్స్ లో చాలా గొప్పగా రిసీవ్ చేసుకుంటున్నారు. అందరికీ థాంక్యు. ఆంధ్ర, తెలంగాణలో చాలామంది సినిమా చూసి ఎమోషనల్ ఏడుస్తున్న వీడియోస్ చూశాను. మీ అందరికీ మూవీ ఈ రేంజ్ లో కనెక్ట్ అయినందుకు నేను చాలా హ్యాపీ. మేజర్ వరదరాజన్ క్యారెక్టర్ చేయడానికి ముఖ్యమైన కారణం మా నాన్న. ఎందుకంటే ఆయన కూడా ఒక పోలీస్ ఆఫీసర్. ఆయనకి, ముకుంద్ క్యారెక్టర్ కి చాలా సిమిలారిటీస్ ఉన్నాయి. ఈ మూవీ మా నాన్నకి ఒక ట్రిబ్యూట్. ఈ సినిమాని ఇంత స్పెషల్ గా మార్చిన ఆడియన్స్ అందరికీ థాంక్యూ. సినిమాకి ప్రపంచవ్యాప్తంగా చాలా అద్భుతమైన రెస్పాన్స్ వస్తుంది. తెలుగులో చాలా మంచి కలెక్షన్స్ చేస్తుందని డైలీ కాల్స్ వస్తున్నా. సినిమాని బిగ్ రిలీజ్ చేసిన సుధాకర్ గారికి థాంక్యూ. సునీల్ గారికి థాంక్యూ . ఆయన ఫోన్10 సెకండ్స్ మాత్రమే మాట్లాడుతారు. సినిమా చాలా అద్భుతంగా కలెక్షన్ చేస్తుంది. సక్సెస్ మీట్ లో కలుద్దామని చెప్పి థాంక్స్ చెప్పేలోగే ఫోన్ పెట్టేస్తారు(నవ్వుతూ) మధు గారికి, వెంకీ గారికి థాంక్యూ. వెంకీ గారి ఛలో భీష్మ సినిమాలు చూశాను. నాకు చాలా నచ్చాయి. డైరెక్టర్ రాజ్ కుమార్ కి థాంక్యూ. టీవీ డేస్ నుంచి మాకు పరిచయం ఉంది. తను బ్రిలియంట్ రైటర్ డైరెక్టర్. ఈ సినిమాతో అది ప్రూవ్ చేసుకున్నారు. ఈ సినిమాకి ఏ అవార్డు వచ్చినా అది ఫస్ట్ రాజ్ కుమార్ కి దక్కాలి. సాయి పల్లవి తో వర్క్ చేయడం చాలా ఆనందంగా ఉంది. మేం కలిసి చేసిన ఫస్ట్ సినిమా చాలా పెద్ద సక్సెస్ కావడం ఆనందాన్నిచ్చింది. ఇందు, ముకుంద క్యారెక్టర్స్ కి ఆడియన్స్ చాలా గొప్పగా కనెక్ట్ అవుతున్నారు. మా టీంలో అందరికీ పేరుపేరునా ధన్యవాదాలు. తెలుగు ఆడియన్స్ అందరికీ థాంక్యూ సో మచ్. తెలుగు ఆడియన్స్ ఎప్పుడు మంచి కంటెంట్నే చూస్తారు. అది అమరన్ తో మరోసారి ప్రూవ్ అయింది. సినిమాని ఇంత పెద్ద సక్సెస్ చేసిన అందరికీ థాంక్యూ. నితిన్ బ్రదర్ ఈవెంట్ కి రావడం చాలా ఆనందంగా ఉంది. నితిన్ గారి సినిమా ఇష్క్ లో ఓ ప్రియా ప్రియ సాంగ్ నాకు చాలా ఇష్టం. చాలా చార్మింగే ఉంటారు. ఆయన డాక్టర్ సినిమా చూసి నాకు కాల్ చేశారు. మేము ఎప్పుడు ఫోన్ లోనే మాట్లాడుకునేవాళ్ళం. ఇప్పుడు నేరుగా అమరన్ సక్సెస్ మీట్ లో కలవడం చాలా ఆనందంగా ఉంది. రాబిన్ వుడ్ కి బెస్ట్ విషెస్ . రాబిన్ ఊడ్ బ్లాక్ బస్టర్ హిట్ కావాలని కోరుకుంటున్నాను. అమరన్ ని ఇంత పెద్ద హిట్ చేసిన తెలుగు ఆడియన్స్ అందరికీ మరోసరి కృతజ్ఞతలు' తెలిపారు.

హీరోయిన్ సాయి పల్లవి మాట్లాడుతూ.. అందరికీ నమస్కారం. తెలుగు ఆడియన్స్ కి బిగ్ థాంక్ యూ. ఈ సినిమాకి తమిళ్ లో ఎంత అప్రిసియేషన్ వచ్చిందో తెలుగు నుంచి కూడా అంత గొప్పగా అప్రిసియేషన్ వచ్చింది. మీ అందరి ప్రేమని ఎక్స్పీరియన్స్ చేశాను. ఆడియన్స్ ఒక్కొక్క ఎమోషన్ కి రియాక్ట్ అవుతున్నారు అని తెలిసినప్పుడు నాకు చాలా ఎమోషనల్ గా అనిపించింది. ఎక్కడైనా ఒక మంచి సినిమా ఉందంటే తెలుగు ఆడియన్స్ ఎంతో గొప్పగా ఆదరిస్తారు. భానుమతి, వెన్నెల.. ఇలా నా సినిమాల్లో ఎన్నో పాత్రలతో ఆడియన్స్ కనెక్ట్ అయ్యారు. ఈ సినిమాలో చేసిన ఇందు పాత్రకి కూడా అంతే గొప్పగా రెస్పాన్స్ ఇవ్వడం నాకు చాలా ఆనందంగా అనిపించింది. మీరు ఇస్తున్న ప్రేమతో ఇంకా మంచి పాత్రలు చేయాలనే ఎనర్జీ వస్తుంది. డైరెక్టర్ గారు చాలా అద్భుతమైన పాత్రను ఇచ్చారు. ప్రతి ఎమోషన్ ని చాలా క్లారిటీగా చూపించారు. ఈ సినిమా విషయంలో డైరెక్టర్ గారికి వస్తున్న అప్రిషియేషన్ చూసి నాకు చాలా సంతోషంగా ఉంది. శివ కార్తికేయన్ గారు ఒక తెలుగు ఇంటి అబ్బాయిలా వునంరు. తెలుగులో ఇంత పెద్ద బ్లాక్ బస్టర్ మేము నటించిన 'అమరన్' సినిమాతో రావడం చాలా ఆనందంగా ఉంది. ఈ సినిమా తర్వాత వచ్చే సినిమాలన్నీ కూడా చాలా పెద్ద హిట్ లు కావాలని కోరుకుంటున్నాను. ఈ సినిమాని తెలుగులో చాలా గ్రాండ్ గా రిలీజ్ చేసిన సుధాకర్ రెడ్డి గారికి థాంక్యూ. నితిన్ గారు ఈ వేడుకకు రావడం చాలా ఆనందంగా ఉంది . అలాగే సునీల్ గారికి, డైరెక్టర్ వెంకీ గారికి అందరికీ థాంక్యు. ఆడియన్స్ అందరికీ థాంక్యూ సో మచ్. మీ ప్రేమకి ఎప్పటికీ రుణపడి ఉంటాను' అన్నారు.

మూవీ డైరెక్టర్ రాజ్‌కుమార్ పెరియసామి మాట్లాడుతూ.. సౌత్ లో ఆర్మీ బ్యాక్ డ్రాప్ లో వచ్చే సినిమాల్ని ప్రేక్షకులు అంతగా ఆదరించరనే ఒక థియరీ వుంది. ఆ థియరీ ని అమరన్ బ్రేక్ చేసింది. ఈ సినిమాని తెలుగులో ఇంత గొప్పగా ఆదరించిన ప్రేక్షకులకు మనస్ఫూర్తిగా కృతజ్ఞతలు తెలుపుతున్నాను. మంచి కంటెంట్ ని తెలుగు ప్రేక్షకులు ఎప్పుడూ ఆదరిస్తారని మరోసారి రుజువయింది. ఈ సినిమాని తెలుగులో చాలా అద్భుతంగా డబ్బు చేసిన హనుమాన్ చౌదరి అండ్ టీమ్ అందరికీ థాంక్స్. ఈ సినిమాని పలు భాషల్లో సొంతగా సాయి పల్లవి డబ్బింగ్ చెప్పారు. ఈ సినిమాకి మలయాళీ యాసలో లో డబ్ చెప్పడం కూడా ఒక పెద్ద టాస్క్. సాయి పల్లవి గారు అద్భుమైన పెర్ఫార్మెన్స్ ఇచ్చారు. శివ కార్తికేయన్ గారు మేజర్ వరదరాజన్ పాత్రలో అందరినీ మైమరిపించారు. నిర్మాతలకు ప్రత్యేక ధన్యవాదాలు. ఈ సినిమాని తెలుగులో ఇంత గొప్పగా రిలీజ్ చేసిన సుధాకర్ గారికి ధన్యవాదాలు. చాలా అద్భుతంగా ప్రమోషన్ చేశారు. నితిన్ గారికి, ఏషియన్ సునీల్ గారికి, ఠాగూర్ మధు గారికి, ఈ వేడుకకి విచ్చేసిన అందరికీ పేరుపేరునా ధన్యవాదాలు' తెలిపారు.

డైరెక్టర్ వెంకీ కుడుముల మాట్లాడుతూ... మా ఫ్యామిలీ అంతా అమరన్ సినిమా చూశారు. చాలా ఎమోషనల్ గా నాకు మెసేజ్ పెట్టారు. మా ఇంట్లో అంతా శివకార్తికేయన్ ఫ్యాన్స్. ఆయన సినిమాల్ని రెగ్యులర్ గా చూస్తాం. ఈ సినిమాకి జీవి ప్రకాష్ అద్భుతమైన మ్యూజిక్ ఇచ్చారు. సాయి పల్లవి గారు నటనలో ఏ ఎమోషన్ అయిన అద్భుతంగా పండించగలరు. కొత్తవారిని ఎంకరేజ్ చేయడంలో శివ కార్తికేయన్ గారు ఎప్పుడు ముందుంటారు. ప్రతి సినిమాకి వైవిధ్యం చూపిస్తూ చూపిస్తుంటారు. భీష్మ చూసి దాదాపుగా ఒక అరగంట సేపు మాట్లాడారు. అది నాకు ఎంతో స్ఫూర్తినిచ్చింది. ఇంత మంచి విజయాన్ని అందుకున్న అమరన్ టీమ్ అందరికీ కంగ్రాజులేషన్స్' అన్నారు.

ప్రొడ్యూసర్ సుధాకర్ రెడ్డి మాట్లాడుతూ.. అందరికీ నమస్కారం. ఈ సినిమా రిలీజ్ చేసే అవకాశం ఇచ్చిన కమలహాసన్ గారికి, మహేంద్ర గారికి థాంక్యూ సో మచ్. తెలుగులోనే కాదు యావత్ భారతదేశం చూడదగ్గ సినిమా ఇది. డైరెక్టర్ అద్భుతంగా ఈ సినిమాని తీశారు. సినిమా చూసిన తర్వాత అందరూ శివ కార్తికేయన్ గారిని, సాయి పల్లవి గారిని అభినందిస్తున్నారు. తప్పకుండా ఈ సినిమాకి ఒక నాలుగు నేషనల్ అవార్డ్స్ వస్తాయని ఆశిస్తున్నాను. ఈ సినిమా అద్భుతమైన బిజినెస్ చేసింది. 20 కోట్లు క్రాస్ చేసింది. చాలా ఆనందంగా ఉంది. ఈ సినిమా గురించి సినిమానే మాట్లాడుతుంది' అన్నారు.

లిరిక్ రైటర్ కృష్ణ కాంత్ మాట్లాడుతూ..అమరన్ దేశం కోసం ప్రాణాలు అర్పించిన ఒక యుద్ధ వీరుడు కథ. ఈ సినిమాకి తెలుగులో ఆరు పాటలు రాయడం జరిగింది. అప్పుడే ఈ సినిమా నేపథ్యం గురించి తెలిసింది. సినిమా చూసినప్పుడు చాలా అద్భుతంగా అనిపించింది డైరెక్టర్ రాజ్ కుమార్ గారు ఈ సినిమాని అద్భుతమైన స్క్రీన్ ప్లే తో చాలా గొప్పగా తీశారు. ఇలాంటి సినిమాలో ఎప్పుడో ఒకసారి వస్తాయి. శివ కార్తికేయన్, సాయి పల్లవి గారి పాత్రలకు నేషనల్ అవార్డు రావాల. అంత గొప్పగా చేశారు. ఈ సినిమాని ఇంత పెద్ద హిట్ చేసిన తెలుగు ఆడియన్స్ అందరికీ థాంక్యూ. సుధాకర్ గారు ఏ సినిమా పట్టుకున్న అది బ్లాక్ బస్టర్. రాబిన్ వుడ్ తో మరో బ్లాక్ బస్టర్ కొడుతున్న నితిన్ గారికి ఆల్ ది బెస్ట్. అందరికీ థాంక్ యూ' అన్నారు

డైలాగ్ రైటర్ హనుమాన్ చౌదరి మాట్లాడుతూ.. ఈ దీపావళికి రిలీజ్ అయి థియేటర్లో ఇంకా గట్టిగా పేలుతున్న క్రాకర్ అమరన్. ఈ సినిమా చూసినప్పుడు ఒక జీవితంలా అనిపించింది. నాకు తెలియకుండానే క్లైమాక్స్ లో ఏడుస్తూ కూర్చున్నాను. అంత ఫీల్ ఉన్న సినిమా ఇది. ఈ సినిమా ఎక్కడైనా హిట్ అవుతుందని అప్పుడే అనిపించింది. కమలహాసన్ గారి ప్రొడక్షన్ హౌస్ లో ఫస్ట్ విక్రమ్ సినిమాకు పని చేశాను. మళ్లీ ఈ అమరన్ సినిమాకి పనిచేయడం చాలా ఆనందంగా ఉంది. డైరెక్టర్ రాజ్ కుమార్ గారికి, కార్తికేయన్ గారికి, సాయి పల్లవి గారికి అందరికీ పేరుపేరునా ధన్యవాదాలు. ఈ సక్సెస్ లో భాగం కల్పించిన నిర్మాతలకి మరోసారి ధన్యవాదాలు' తెలిపారు.