11 January -2021
Hyderabad
KKGKGF: Chapter 1 was a huge hit, are you expecting KGF: Chapter 2 to break all records?
2021 వేసవిలో విడుదల కాబోతున్న జీఏ2 పిక్చర్స్ - యంగ్ హీరో కార్తికేయ, "చావు కబురు చల్లగా"
మెగా ప్రొడ్యూసర్ అల్లు అరవింద్ గారి సమర్పణలో వరస విజయాలు అందుకుంటూ సక్సెస్ కు మారుపేరుగా నిలిచిన బన్నీ వాసు నిర్మాతగా.. ఎనర్జిటిక్ యంగ్ హీరో కార్తికేయ, లావణ్య త్రిపాఠి జంటగా నూతన దర్శకుడు కౌశిక్ పెగళ్లపాటి తెరకెక్కిస్తున్న చిత్రం 'చావు కబురు చల్లగా'. ఇప్పటికే విడుదలైన టైటిల్.. హీరో కార్తికేయ 'బస్తి బాలరాజు' ఫస్ట్ లుక్, ఇంట్రో అద్భుతమైన రెస్పాన్స్ వచ్చింది, ఆ తరువాత విడుదలైన క్యారెక్టర్ వీడియో, లావణ్య త్రిపాఠి ఫస్ట్ లుక్ కి కూడా అనూహ్య స్పందన లభించింది. ముఖ్యంగా కార్తికేయ గెటప్, డైలాగ్ డెలివరి మాడ్యూలేషన్ చూస్తే మళ్లీ చూడాలనిపించేలా ఉందంటూ కామెంట్స్ వస్తున్నాయి. ఇప్పుడు ఈ సినిమాకు సంబంధించిన టీజర్ గ్లింప్స్ విడుదలైంది. ఈ వీడియోలో హీరో కార్తికేయ చెప్పిన "మనం ప్రేమించిన అమ్మాయి మనకు తప్ప మిగిలినోళ్ల అందరికీ సిస్టర్ అనే ఫీలింగ్ ఏదైతే ఉందో అది సూపర్ ఎహే" డైలాగ్ అలానే పలికించిన హావభావలు, హీరోయిన్ లావణ్య గ్లింప్స్ చివర్లో "నాలుగు పీకి నిన్ను ఇక్కడ పడుకోపెడితే నీకు కూడా నేను సిస్టరే అవుతాను" అంటూ చెప్పిన పంచ్ డైలాగ్ హైలెట్ గా ఉన్నాయి. దర్శకుడు కౌశిక్ పెగళ్లపాటి అన్ని వర్గాల ప్రేక్షకుల్ని ఆకట్టుకునే రీతిన ఈ చిత్రాన్ని సిద్ధం చేస్తున్నారనే విషయం ఇటీవలే విడుదలైన బస్తీబాలరాజు క్యారెక్టర్ వీడియో ద్వారా అలానే తాజాగా వచ్చిన టీజర్ గ్లింప్స్ ద్వారా స్పష్టం అవుతుంది. జిఏ2 పిక్చర్స్ బ్యానర్ లో "100% లవ్", "భలేభలే మగాడివోయ్", " గీతగోవిందం", "ప్రతిరోజు పండగే" చిత్రాలు ఘన విజాయాలు సాధించాయి. ఆ లెగసినీ సక్సెస్ ఫుల్ గా చావుకబురుచల్లగా ముందుకు తీసుకువెళుతుందనే నమ్మకంతో ఉన్నామని నిర్మాత బన్నీవాసు తెలిపారు. ఈ సినిమాను వేసవిలో ప్రేక్షకుల ముందుకు తీసుకువచ్చేందుకు సన్నాహాలు చేస్తున్నారు. దీనికి సంబంధించిన మరిన్ని వివరాలు త్వరలోనే అధికారికంగా విడుదల అవ్వనున్నాయి.
నటీనటులు..
కార్తీకేయ, లావణ్య త్రిపాఠి, ఆమని,మురళి శర్మ, రజిత, భద్రం, మహేష్, ప్రభు తదితరులు
సాంకేతిక వర్గం..
సమర్పణ - అల్లు అరవింద్
బ్యానర్ - జీఏ2 పిక్చర్స్
నిర్మాత - బన్నీ వాసు
దర్శకుడు - కౌశిక్ పెగళ్లపాటి
ఎడిటర్- సత్య జి
ఆర్ట్ - జి ఎమ్ శేఖర్
మ్యూజిక్ - జేక్స్ బిజాయ్
సినిమాటోగ్రాఫర్ - కరమ్ ఛావ్లా
అడిషినల్ డైలాగ్స్ - శివ కుమార్ భూజుల
ఎగ్జిక్యూటివ్ ప్రోడ్యూసర్స్ - రాఘవ కరుటూరి, శరత్ చంద్ర నాయిడు
పి ఆర్ ఓ- ఏలూరు శ్రీను, మేఘశ్యామ్
ప్రోడక్షన్ డిజైనర్ - మనిషా ఏ దత్
కాస్ట్యూమ్ డిజైనర్ - మౌనా గుమ్మడి