pizza
Dawat e Shaadi release on 4 March
రాజశ్రీ సంస్థ విడుదల చేస్తున్న మొట్టమొదటి హైద్రాబాదీ సినిమా "దావతే షాదీ"
You are at idlebrain.com > news today >
Follow Us

16 February 2016
Hyderaba
d

ప్రఖ్యాత నిర్మాణ మరియు పంపిణీ సంస్థ రాజశ్రీ ప్రొడక్షన్స్ మొట్టమొదటిసారిగా ఓ హైద్రాబాదీ సినిమాను రిలీజ్ చేస్తోంది. పాపులర్ హైదరాబాదీ ఆర్టిస్ట్స్ అద్నాన్ సాజిద్ ఖాన్, మస్త్ అలీ, ఫిరోజ్ ఖాన్ హీరోలుగా నటిస్తున్న ఈ చిత్రానికి సయ్యద్ హుస్సేన్ దర్శకత్వం వహిస్తున్నారు. యాబా ప్రొడక్షన్స్ పతాకంపై రూపొందుతున్న "దావతే షాదీ"లో మాధవి, మనీషా, కావ్య హీరోయిన్లుగా నటిస్తున్నారు. సమి ఉల్లా ఫయాజ్ నిర్మాత. ఇటీవల ఈ చిత్రం ఫస్ట్ లుక్ పోస్టర్ ను అమెరికాలోని చికాగోలో విడుదల చేశారు. సెన్సార్ సహా పోస్ట్ ప్రొడక్షన్ కార్యక్రమాలు పూర్తి చేసుకొన్న ఈ చిత్రాన్ని మార్చి 4న విడుదల చేసేందుకు చిత్ర బృందం సన్నాహాలు చేస్తోంది.

ఈ సందర్భంగా చిత్ర దర్శకుడు సయ్యద్ హుస్సేన్ మాట్లాడుతూ.. "ఓ హైద్రాబాదీ సినిమాను ప్రఖ్యాత నిర్మాణ మరియు పంపిణీ సంస్థ అయిన "రాజశ్రీ ప్రొడక్షన్స్" వారు విడుదల చేస్తుండడం చాలా సంతోషంగా ఉంది. "దావతే షాదీ" ఓ ఉల్లాసభరితమైన ఫ్యామిలీ ఎంటర్ టైనర్. పేరుకి హైద్రాబాదీ సినిమా అయినప్పటికీ.. ఎక్కడా కాంప్రమైజ్ అవ్వకుండా బాలీవుడ్ సినిమా స్థాయిలో రూపొందించాం. ద్వంద్వార్థ సంభాషణలకు, అశ్లీలతకు ఏమాత్రం తావులేకుండా.. అన్ని వర్గాల ప్రేక్షకులు చూడదగ్గ చిత్రంగా "దావతే షాదీ" రూపొందింది. మార్చి 4న ఈ చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తున్నాం. నిర్మాణం విషయంలో ఎక్కడా రాజీపడకుండా.. మంచి క్వాలిటీతో అవుట్ పుట్ తీసుకురావడానికి సహాయపడిన మా నిర్మాత సమి ఉల్ల ఫయజ్ గారికి నా ధన్యవాదాలు. కన్ఫ్యూజన్ కామెడీ ఎంటర్ టైనర్ గా తెరకెక్కిన ఈ చిత్రాన్ని ప్రేక్షకులు తప్పకుండా ఆదరిస్తారన్న నమ్మకం ఉంది" అన్నారు.

ఈ చిత్రానికి సంగీతం: ఎం.జి.కె.ప్రవీణ్, కూర్పు: క్రాంతి, నేపధ్య గానం: నియామత్ అలీ, నిర్మాణం: యాబా ప్రొడక్షన్స్, నిర్మాత: సమి ఉల్ల ఫయాజ్, రచన-దర్శకత్వం: సయ్యద్ హుస్సేన్!!


Privacy Policy | Disclaimer | Copyright 1999 - 2016 Idlebrain.com. All rights reserved