12 March 2017
Hyderabad

రణం వంటి హిట్ చిత్రం ద్వారా దర్శకునిగా తన ప్రతిభ ను చాటుకున్న దర్శకుడు అమ్మ రాజశేఖర్ దర్శకత్వం లో నక్షత్ర మీడియా పతాకం పై ఓ చిత్రం తెరకెక్కనుంది. విలక్షణ నటుడు జె. డి. చక్రవర్తి ఈ చిత్రం లో హీరోగా నటించనున్నారు. కాగా సెన్సేషనల్ మ్యూజిక్ డైరెక్టర్ థమన్ ఈ చిత్రానికి సంగీతాన్ని అందించనున్నారు. నక్షత్ర రాజశేఖర్ నిర్మాణ సారధ్యంలో ఈ చిత్రం తెరకెక్కనుంది.

ఈ సందర్భంగా దర్శకుడు అమ్మ రాజశేఖర్ మాట్లాడుతూ..నేను ఇండస్ట్రీ లో గురువుగా భావించే వ్యక్తి జె.డి. చక్రవర్తి. అలాంటి గురువుని నేను డైరెక్ట్ చేయడం ఎంతో సంతోషంగా వుంది. తమన్ సంగీతం, అంజి కెమెరా, గౌతంరాజు ఎడిటింగ్ ఈ చిత్రానికి ప్రత్యేక ఆకర్షణ కానున్నాయి. ఈ చిత్రం రెగ్యులర్ షూటింగ్ ఈ నెల 15 నుండి హైదరాబాద్ లో ప్రారంభం కానుంది..అని అన్నారు.