11 August 2016
Hyderabad

ఉత్తమ చిత్రాలను అందించాలనే ఆసక్తితో, సినిమా రంగంలోకి ఎంట్రీ ఇచ్చిన బలగ ప్రకాష్ నిర్మాతగా వెన్నెల క్రియేషన్స్ బ్యానర్ పై ఓ చిత్ర నిర్మాణానికి శ్రీకారం చుడుతున్నారు. అంతర్వేది టు అమలాపురం చిత్రంలో నటించిన హీరో, సంగీత దర్శకుడు కోటి తనయుడు రాజీవ్ సాలూరి ఈ చిత్రంలో హీరోగా నటిస్తున్నారు. కేటుగాడు వంటి డిఫరెంట్ చిత్రంతో అందరి మన్ననలు అందుకున్న దర్శకుడు కిట్టు నల్లూరి దర్శకత్వంలో ఈ చిత్రం రూపొందనుంది. వచ్చే నెలలో సినిమా లాంచనంగా ప్రారంభం కానుంది. త్వరలోనే ఈ చిత్రంలో నటించనున్న మిగతా నటీనటులు, టెక్నిషియన్స్ వివరాలను తెలియజేస్తామని పుట్టినరోజు(ఆగస్ట్ 12) సందర్భంగా నిర్మాత బలగ ప్రకాష్ తెలియజేశారు.