యువసామ్రాట్‌ నాగచైతన్య హీరోగా కీ||శే|| శ్రీమతి అక్కినేని అన్నపూర్ణ ఆశీస్సులతో అన్నపూర్ణ స్టూడియోస్‌ పతాకంపై కళ్యాణ్‌క ష్ణ కురసాల దర్శకత్వంలో నిర్మిస్తున్న ఫ్యామిలీ ఎంటర్‌టైనర్‌ 'రారండోయ్‌.. వేడుక చూద్దాం'. ఈ చిత్రాన్ని సమ్మర్‌ స్పెషల్‌గా మే 26న ప్రపంచ వ్యాప్తంగా విడుదల చేసేందుకు సన్నాహాలు చేస్తున్నారు. ఈ చిత్రానికి సంబంధించిన 30 సెకన్ల టైటిల్‌ సాంగ్‌ టీజర్‌ను విడుదల చేశారు. 'బుగ్గ చుక్క పెట్టుకుంది సీతమ్మ సీతమ్మ.. కంటి నిండ ఆశలతో మా సీతమ్మ... తాళిబొట్టు చేతబట్టి రామయ్య రామయ్య.. సీత చెయ్యి పట్ట వచ్చె మా రామయ్య' అంటూ సాగే టైటిల్‌ సాంగ్‌కి ట్రెమండస్‌ రెస్పాన్స్‌ వస్తోంది. త్వరలోనే ఈ టైటిల్‌ సాంగ్‌ 90 సెకన్ల వీడియోను రిలీజ్‌ చేస్తారు. అలాగే చిత్రాన్ని మే 26న వరల్డ్‌వైడ్‌గా విడుదల చేయడానికి సన్నాహాలు జరుగుతున్నాయి.
