pizza
నేడే హాయ్ ల్యాండ్ లో 2000 మందితో రన్ రాజా రన్ ఆడియో సక్సెస్ సెలెబ్రేషన్స్
You are at idlebrain.com > news today >
Follow Us

14 July 2014
Hyderabad

యంగ్ రెబల్ స్టార్ ప్రభాస్ హీరోగా తన తొలి ప్రయత్నం మిర్చితో సూపర్ డూపర్ హిట్ ని సాధించిన నిర్మాతలు వి.వంశీ కృష్ణా రెడ్డి, ప్రమోద్ ఉప్పలపాటి సంయుక్తంగా యు.వి.క్రియేషన్స్ బ్యానర్లో ప్రొడక్షన్ నెం.2గా నిర్మిస్తున్న చిత్రం రన్ రాజా రన్. శర్వానంద్ హీరోగా నటించిన ఈ చిత్రంలో సీరత్ కపూర్ హీరోయిన్ గా నటించింది. లవ్, కామెడీ ఎంటర్ టైనర్ గా తెరకెక్కిన ఈ చిత్రం ఆడియో ఇటీవలే విడుదలై ఛార్ట్ బస్టర్స్ లో టాప్ గా నిలిచింది. కమలహాసన్ విశ్వరూపం 2 చిత్రానికి సంగీతాన్ని అందించిన జిబ్రాన్.యం రన్ రాజా చిత్రానికి అద్భుతమైన సంగీతాన్ని అందించారు. ఈ సందర్భంగా రన్ రాజా రన్ ఆడియో సక్సెస్ మీట్ ను గ్రాండ్ లెవల్లో చిత్ర నిర్మాతలు ప్లాన్ చేశారు. విజయవాడ-గుంటూరు మధ్యలో ఉన్న హాయ్ ల్యాండ్ లో దాదాపు 2000 మంది అభిమానులు సమక్షంలో ఈరోజు (14-07-14, సోమవారం) సాయంత్రం 5 గంటలకు ఆడియో సక్సెస్ సంబరాల్ని గ్రాండ్ గా చేయనున్నారు. సుజిత్ దర్శకుడిగా పరిచయమవుతున్న ఈ చిత్రానికి ప్రభాస్ మిర్చికి సినిమాటోగ్రాఫర్ గా పనిచేసిన మధి ఛాయాగ్రహణం అందించారు. ఈ సినిమాని జులై 18న ప్రపంచ వ్యాప్తంగా అత్యధిక ధియేటర్లలో రిలీజ్ చేయడానికి సన్నాహాలు చేస్తున్నారు.

ఈ సందర్భంగా చిత్ర నిర్మాతలు వి.వంశీ కృష్ణా రెడ్డి, ప్రమోద్ ఉప్పలపాటి మాట్లాడుతూ.... యు.వి.క్రియేషన్స్ బ్యానర్లో ప్రొడక్షన్ నెం.2గా రన్ రాజా రన్ చిత్రాన్ని తెలుగు, తమిళ భాషల్లో తెరకెక్కించాం. ప్రేక్షకుల్లో మంచి ఇమేజ్ ని సంపాదించిన శర్వానంద్ హీరోగా నటించగా.. సీరత్ కపూర్ హీరోయిన్ గా నటించారు. దర్శకుడు సుజిత్ సూపర్ హిట్ సినిమా మాకు అందించాడు. ఇటీవలే ఆడియోను గ్రాండ్ గా లాంచ్ చేసిన విషయం తెలిసిందే. మా సంగీత దర్శకుడు జిబ్రాన్ అద్భుతమైన పాటలందిచాడు. బ్యాక్ గ్రౌండ్ స్కోర్ హైలైట్ గా నిలుస్తుంది. ఇప్పటికే ఈ పాటలు చార్ట్ బస్టర్స్ లో టాప్ ప్లేస్ లో నిలిచాయి. ఈ సందర్భంగా ఆడియో సక్సెస్ సెలెబ్రేషన్స్ ని గ్రాండ్ గా చేయాలని నిర్ణయించాం. ఈరోజు (14-07-14, సోమవారం) సాయంత్రం 5 గంటలకు దాదాపు 2000 మంది అభిమానుల సమక్షంలో గుంటూరు-విజయవాడ రహదారిలో ఉన్న హాయ్ ల్యాండ్ వేదికగా ఈ సంబరాలు చేస్తున్నాం. చిత్ర యూనిట్ సభ్యులందరూ పాల్గొంటారు. ఈ సెలెబ్రేషన్స్ లో పాల్గొనేందుకు అందరూ ఆహ్వానితులే. అన్ని కార్యక్రమాలు పూర్తి చేసుకొని ఈనెల 18న రన్ రాజా రన్ చిత్రాన్ని ప్రపంచవ్యాప్తంగా అత్యధిక థియేటర్లలో విడుదల చేసేందుకు సన్నాహాలు చేస్తున్నాం. అని అన్నారు.

నటీనటులు : శర్వానంద్, సీరత్ కపూర్, అడవి శేషు, సంపత్, జయప్రకాష్ రెడ్డి, అలి, వెన్నెల కిషోర్, కోట శ్రీనివాసరావు, విద్యుల్లేఖ రామన్, అజయ్ ఘోష్ తదితరులు.

సాంకేతిక వర్గం: సినిమాటోగ్రఫీ: మధి, సంగీతం: ఘిబ్రాన్.యం, ఎడిటర్: మధు, ఆర్ట్: ఏ.యస్. ప్రకాష్, పి.ఆర్.ఓ: ఎస్.కె.ఎన్, ఏలూరు శ్రీను, ఎగ్జిక్యూటివ్ ప్రొడ్యూసర్: అశోక్, లైన్ ప్రొడ్యూసర్: సందీప్

నిర్మాతలు: వి.వంశీ కృష్ణా రెడ్డి, ప్రమోద్ ఉప్పలపాటి
దర్శకుడు - సుజిత్

 


Privacy Policy | Disclaimer | Copyright 1999 - 2014 Idlebrain.com. All rights reserved