విన్ను మద్దిపాటి, అక్షత జంటగా అచీవర్స్ సిగ్నెచర్ ఎమ్.ఎఫ్ క్రియెషన్స్ బ్యానర్స్ పై హీరోయిన్ అక్షత దర్శకత్వంలో మద్దిపాటి సోమశేఖర రావు, మధు ఫోమ్రా నిర్మిస్తున్న చిత్రం `శేఖరంగారి అబ్బాయ్`. ఈ సినిమా ఫస్ట్ లుక్ విడుదల కార్యక్రమం శుక్రవారం హైదరాబాద్ ప్రసాద్ ల్యాబ్స్ లో జరిగింది. ఈ సినిమా ఫస్ట్ లుక్ ను ప్రముఖ నటుడు కలెక్షన్ కింగ్ డా.మంచు మోహన్ బాబు లాంఛ్ చేశారు. ఈ సందర్బంగా ..
కలెక్షన్ కింగ్ డా. మోహన్ బాబు మాట్లాడుతూ ``మా బిగినింగ్ డేస్ లో మాలాంటి వారిని దాసరి గారు తప్ప వేరేవరూ ఎంకరేజ్ చేయలెదు. అక్కినేని నాగేశ్వరరావుగారు చెప్పారు నటుడికి ప్రతి రోజు ఓ లెసన్. ఈ చిత్ర దర్శకురాలు అక్షత బహుముహ ప్రజ్ఞాశాలి. హీరో విన్ను చాలా బాగున్నాడు. ఇప్పుడున్న చాలా మంది కృషి, పట్టుదల, క్రమశిక్షణ ఉంటే ఏదో రోజు విజయం మనకు లబిస్తుంది. చిత్ర యూనిట్ అబినందనలు`` అన్నారు.
Glam gallery from the event
కాశీ విశ్వనాద్ మాట్లాడుతూ ``శేఖరంగారి అబ్బాయి మంచి కాన్సెప్ట్. ప్లానింగ్ తో చేశారు. మంచి విజయాన్ని సాధిస్తుంది`` అన్నారు.
హీరో విన్నుమద్దపాటి మాట్లాడుతూ `` మోహన్ బాబు గారు మా ఫస్ట్ లుక్ ను విడుదల చేయడం మా టీమ్ అదృష్టం. కష్టపడి చేశాం. అందరి ఆశీస్సులు ఉంటాయని నమ్ముతున్నాం`` అన్నారు.
చిత్ర దర్శకురాలు, హీరోయిన్ అక్షత మాట్లాడుతూ ``మోహన్ బాబుగారు మా లాంటి కొత్త వారిని ఆశీర్వదించడానికి వచ్చినందుకు ధన్యవాదాలు. సినిమా చాలా బాగా వచ్చింది.నటీనటులు, సాంకేతిక నిపుణులందరికి మంచి పేరు తీసుకు వచ్చే చిత్రమిది. టీమ్ అందరు చాలా బాగా సపొర్ట్ చేశారు`` అన్నారు.
నిర్మాత మద్దిపాటి సోమశేఖర రావు మాట్లాడుతూ ``టాకీ కంప్లీట్ అయింది. సినిమా చాలా బాగా వచ్చింది త్వరలోనే మోషన్ పోస్టర్ ను, పాటలను విడుదల చేయడానికి సన్నాహాలు చేస్తున్నాం`` అన్నారు.
ఇంకా ఈ కార్యక్రమంలో సూర్య, అనురూప్ ,డి.ఎం.కె , సంగీత దర్శకుడు సాయి ఎలేందర్ తదితరులు పాల్గొన్నారు.
ఈ చిత్రానికి సంగీతం: సాయి ఎలెందర్, కెమెరా: రాఘవ, కూర్పు: నందమూరి హరి.
