సుధీర్ వ‌ర్మ, చాందినిచౌద‌రి హీరో హీరోయిన్లుగా ద‌ర్శ‌కేంద్రుడు కె.రాఘ‌వేంద్ర‌రావు బి.ఎ. స‌మ‌ర్ప‌ణ‌లో ఎస్‌.ఎల్‌.ఎంట‌ర్‌టైన్మెంట్స్ బ్యాన‌ర్‌పై ముళ్ళ‌పూడి వ‌రా ద‌ర్శ‌క‌త్వంలో నిరంజ‌న్‌, వంశీ, అనిల్ నిర్మించిన చిత్రం కుంద‌న‌పు బొమ్మ. మాగ్న‌స్ సినీ ప్రైమ్ ప్రై.లి. స‌హ‌కారంతో ఈ సినిమా జూన్ 24న విడుద‌ల‌వుతుంది. సుధాక‌ర్ కొమాకుల, ఈ సంద‌ర్భంగా శ‌నివారం హైద‌రాబాద్ ప్ర‌సాద్ ల్యాబ్స్‌లో ఏర్పాటు చేసిన పాత్రికేయుల స‌మావేశంలో....
డైరెక్ట‌ర్ ముళ్ళ‌పూడి వ‌రా మాట్లాడుతూ ``విలేజ్ బ్యాక్‌డ్రాప్‌లో సాగే ల‌వ్ స్టోరీ. ప్యామిలీ సెంటింమెంట్స్‌, ఎమోష‌న్స్ అన్నీ ఈ చిత్రంలో క‌న‌ప‌డ‌తాయి. సినిమా సెన్సార్ అయిన త‌ర్వాత చూసిన మాగ్న‌స్ సినీ ప్రైమ్ అధినేత శ్రీనివాస్ బొగ్గ‌రంగారు ఈ సినిమా రిలీజ్ చేయ‌డానికి ముందుకు రావ‌డం ఆనందంగా ఉంది. జూన్ 24న సినిమా విడుద‌ల‌వుతుంది. త‌ప్ప‌కుండా అంద‌ర‌కీ న‌చ్చే చిత్రమవుతుంది``అన్నారు.
శ్రీనివాస్ బొగ్గ‌రం మాట్లాడుతూ ``మంచి ఫ్యామిలీ ఎంట‌ర్ టైన‌ర్‌. ఇటువంటి చిత్రాన్ని తెలుగు ప్రేక్ష‌కుల‌కు అందిస్తే బావుంటుంద‌నే ఉద్దేశంతో నా వంతు స‌హకారం అందించ‌డానికి ముందుకు వ‌చ్చాను. ఇటువంటి సినిమాల‌ను ఆద‌రిస్తే మ‌రిన్ని మంచి చిత్రాలు వ‌స్తాయి`` అన్నారు.
అనురాధ ఉమ‌ర్జీ మాట్లాడుతూ ``అంద‌రం ఫ్యామిలీలా క‌లిసి వ‌ర్క్‌చేశాం. ముళ్ళ‌పూడి వ‌రాగారితో వ‌ర్క్‌చేయ‌డం చాలా ఆనందంగా ఉంది. మంచి ఫ్యామిలీ ఎంట‌ర్ టైన‌ర్‌`` అన్నారు.
Chandini Chowdary Glam gallery from the event
సుధాక‌ర్ కొమాకుల మాట్లాడుతూ ``ఈ సినిమాలో నా పాత్ర ప‌రిమితంగానే ఉన్న‌ప్ప‌టికీ చాలా ప్రాముఖ్య‌త‌తో కూడుకుని ఉంటుంది. ఫ్యామిలీ అంతా క‌లిసి చూసే చిత్ర‌మిది`` అన్నారు.
సుధీర్ వ‌ర్మ మాట్లాడుతూ ``ప్ర‌తి సీన్‌ను వ‌రాగారు ఎంతో గొప్ప‌గా తీశారు. సినిమా అన‌డం కంటే ఇదొక క్లాసిక‌ల్ విలేజ్ ఎంట‌ర్‌టైన‌ర్‌గా నిలిచిపోవ‌డ‌మే కాకుండా మ‌నల్ని ఎక్క‌డో గుర్తుకు తెచ్చే చిత్రమవుతుంది`` అన్నారు.
నిర్మాత‌ల్లో ఒక‌రైన వంశీ మాట్లాడుతూ ``రెండేళ్ల ప్ర‌యాణ‌మే కుంద‌న‌పు బొమ్మ. అందులో సంవ‌త్స‌రం పాటు స్క్రిప్ట్‌పై వ‌ర్క్‌చేశాం. ఈ సినిమాలో మా హీరోయిన్ కుంద‌న‌పు బొమ్మ. ఆమెకు వ‌చ్చిన స‌మ‌స్యేంటి? ఎలా తీరింద‌నేదే క‌థ. కంప్లీట్ ఫ్యామిలీ ఎంట‌ర్‌టైన‌ర్‌`` అన్నారు.
ఈ కార్య‌క్ర‌మంలో చాందిని చౌద‌రి, గౌత‌మ్ క‌శ్య‌ప్‌, సినిమాటోగ్రాఫ‌ర్ ఎస్‌.డి.జాన్ త‌దిత‌రులు పాల్గొన్నారు.
