జె.బి.క్రియేష‌న్స్ బ్యాన‌ర్‌పై రాజేంద్రప్రసాద్, సాక్షిచౌద‌రి, అలీ, బ్ర‌హ్మానందం తారాగ‌ణంగా నిధి ప్ర‌సాద్ ద‌ర్శ‌క‌త్వంలో భాగ్య‌ల‌క్ష్మి నిర్మాత‌గా రూపొందుతోన్న చిత్రం `ఊ.పె.కు.హ`. ఈ సినిమా టైటిల్ లోగో ఆవిష్క‌ర‌ణ కార్య‌క్ర‌మం గురువారం హైద‌రాబాద్ ప్ర‌సాద్ ల్యాబ్స్‌లోజ‌రిగింది. ఈ సంద‌ర్భంగా...
రాజేంద్రప్రసాద్ మాట్లాడుతూ - ``ఉళ్ళో పెళ్ళికి కుక్క‌ల హ‌డావిడి అనే దాన్ని ఊ.పె.కు.హ అనే టైటిల్‌తో ముందుకు రావ‌డం కొత్త‌గా ఉంది. సినిమా అంద‌రూ ప్యాడింగ్ ఆర్టిస్టులు నటించారు. అన్నీ క్యారెక్ట‌ర్స్‌ను గ‌మ్మ‌త్తుగా మ‌లిచారు ద‌ర్శ‌కుడు నిధిప్ర‌సాద్‌గారు. సినిమా అంతా క‌మ‌ర్షియ‌ల్ ఎలిమెంట్స్‌తో అల్ల‌రి అల్ల‌రిగా ఉంటుంది`` అన్నారు.
ద‌ర్శ‌కుడు నిధిప్రసాద్ మాట్లాడుతూ - ``నేను సినిమా తీసి చాలా కాల‌మైంది..ఇప్పుడు నువ్వు సినిమాలు తీయ‌లేవ‌ని అన్నారు. అయితే వారు చెప్పిన దానికి, ఇప్పుడున్న ప‌రిస్థితుల‌కు సంబంధ‌మే లేదు. ఆర్టిస్టుల, టెక్నిషియ‌న్స్ అంద‌రూ ఎంతో స‌పోర్ట్ చేశారు. స్క్రిప్ట్ వ‌ర్క్ అయిన త‌ర్వాత కాన్ఫిడెన్స్ వ‌చ్చి, మా ఫ్యామిలీకి చెందిన వాళ్ల‌మే కలిసి ఈ సినిమా చేశాం. నేను అనుకున్న విధంగానే సినిమా తీస్తున్నాను. సినిమా బాగా వ‌స్తుంది`` అన్నారు.
నిర్మాత విక్ర‌మ్ మాట్లాడుతూ - ``సినిమాకు రాక‌ముందు చాలా వ్యాపారాలు చేశాను. మా బావ‌గారు అయిన నిధిప్ర‌సాద్‌ను న‌మ్మి, ఆయ‌న్ను ఒప్పించి చేస్తున్న సినిమా. రాజేంద్రప్రసాద్ స‌హా ఆర్టిస్టులు, టెక్నిషియ‌న్స్ అంద‌రూ ఎంత‌గానో స‌పోర్ట్ చేస్తున్నారు. అంద‌రినీ అల‌రించే చిత్ర‌మ‌వుతుంది`` అన్నారు.
సాక్షిచౌద‌రి మాట్లాడుతూ - ``అవ‌కాశం ఇచ్చిన ద‌ర్శ‌క నిర్మాత‌ల‌కు థాంక్స్‌. రాజేంద్రప్రసాద్ వంటి టాలెంటెడ్ ఆర్టిస్ట్‌తో వ‌ర్క్ చేయ‌డం ఆనందంగా ఉంది. మంచి రోల్ చేస్తున్నాను`` అన్నారు.
రిషి మాట్లాడుతూ - ``నేను నిధిప్ర‌సాద్‌గారితో భాగ్య‌ల‌క్ష్మి బంప‌ర్ డ్రా సినిమా చేశాను. ఇప్పుడు ఈ సినిమా చేయ‌డం ఆనందంగా ఉంది. రాజేంద్రప్రసాద్ హీరోతో వ‌ర్క్ చేయ‌డం వ‌ల్ల చాలా విష‌యాలు నేర్చుకున్నాను`` అన్నారు.
ఈ కార్య‌క్ర‌మంలో అలీ, ధ‌న‌రాజ్, ఖ‌య్యూమ్ త‌దిత‌రులు పాల్గొన్నారు.
