నాని, మెహ‌రీన్ జంట‌గా కృష్ణగాడి వీర ప్రేమ గాథ సినిమా ఇటీవ‌ల విడుద‌లైంది. హ‌ను రాఘ‌వ‌పూడి ద‌ర్శ‌క‌త్వం వ‌హించారు. 14 రీల్స్ ఎంట‌ర్‌టైన్ మెంట్ సంస్థ నిర్మించింది. ఈ సినిమా థాంక్స్ మీట్ హైద‌రాబాద్‌లో ఆదివారం జ‌రిగింది.
నాని మాట్లాడుతూ ``సినిమా పెద్ద హిట్ అవుతుంద‌ని, ప్రేక్ష‌కులు త‌మ భుజాల మీద సినిమాను న‌డిపిస్తున్నార‌ని ఓ డిస్ట్ర‌బ్యూట‌ర్ చెప్పారు. చాలా ఆనందంగా అనిపించింది. ఈసినిమాలోని ప్ర‌తి పాత్ర క‌థ‌ను న‌డిపించింది. నాకు, ముర‌ళీవ‌ర్మ‌గారికి, పృథ్వి గారికి కాంబినేష‌న్ సీన్లు అస‌లు లేవు. కానీ ఒక‌రి వ‌ల‌న మ‌రొక‌రి జీవితాలు మారిపోతాయి. శ‌త్రుకి ఈ సినిమాతో పెద్ద బ్రేక్ వ‌చ్చింది. భ‌విష్య‌త్తులో త‌ను చాలా పెద్ద న‌టుడ‌వుతాడు. మ‌హాల‌క్ష్మికి అన్న పాత్ర‌లో అద్భుతంగా న‌టించాడు. పృథ్వి గారి ఆర్కెస్ట్రా అదిరింది. మెహ‌రీన్ చాలా చ‌క్క‌గా న‌టించింది. స‌క్సెస్ టూర్ ప్లాన్ చేస్తున్నాం`` అని చెప్పారు.
Mehreen Glam gallery from the event
హ‌ను రాఘ‌వ‌పూడి మాట్లాడుతూ ``ఈరోజు నేనున్నంత ఆనందంగా ఇంకెవ‌రూ ఉండ‌రేమో. కృష్ణగాడి వీర ప్రేమ గాథ అంద‌రికీ న‌చ్చుతుంద‌నే న‌మ్మ‌కంతో సినిమాను మొద‌లుపెట్టాను. నా న‌మ్మ‌కం నిజ‌మైంది. ఈ సినిమా క‌లెక్ష‌న్స్ రోజురోజుకీ పెరుగుతాయే కానీ త‌గ్గ‌వ‌ని నాని చెప్పాడు. అలానే జ‌రుగుతోంది. నాకు నిర్మాత‌లు చాలా బాగా స‌హ‌క‌రించారు. వాళ్ళు ఎక్క‌డా కాంప్రమైజ్ కాలేదు. యువ‌రాజ్ కెమెరాప‌నిత‌నం చాలా బావుంది. లైవ్ లొకేష‌న్స్ లో షూట్ చేశాం. ఈ సినిమాకు నాని అసిస్టెంట్ డైర‌క్ట‌ర్‌గా కూడా ప‌నిచేశారు. ఈ సినిమా స‌క్సెస్‌తో మేమంతా చాలా సంతోషంగా ఉన్నాం న‌వ్వుకు ఉన్న విలువ తెలిసింది`` అని అన్నారు.
గోపీ ఆచంట మాట్లాడుతూ `` సినిమాను పెద్ద స‌క్సెస్ చేసిన వారికి ధన్య‌వాదాలు. నైజాం వెళ్ళి అక్క‌డి నుంచి వైజాగ్‌కు మా టీమ్ స‌క్సెస్ టూర్ చేప‌ట్ట‌నుంది. ఓవ‌ర్సీస్‌లోనూ మా సినిమాకు చాలా మంచి స్పంద‌న వ‌స్తోంది`` అని అన్నారు.
మెహ‌రీన్ మాట్లాడుతూ ``అంద‌రికీ నా వ‌ర్క్ న‌చ్చింది. నా మీద న‌మ్మ‌కంతో మ‌హాల‌క్ష్మి పాత్ర‌లో న‌టించే అవ‌కాశం ఇచ్చిన హ‌ను గారికి థాంక్స్. నా మొద‌టి సినిమాలో సీనియ‌ర్ న‌టుల‌తో న‌టించ‌డం ఆనందంగా ఉంది`` అని చెప్పారు.
