కొన్ని గంటల నుండీ సోషల్ మీడియాలో ఓ ట్వీట్ వైరల్ అవుతోంది. అది తనను ఎంతో అభిమానించే ఓ అభిమానికి హీరో ప్రేమగా పెట్టిన ట్వీట్. ఆ అభిమానిని ఉద్దేశిస్తూ ఎంతో ఆప్యాయంగా పెట్టిన ట్వీట్. వివరాల్లోకి వెళ్తే ఈమధ్యనే విడుదలైన 'లిటిల్ హార్ట్స్' బాక్సాఫీస్ దగ్గర సందడి చేస్తున్న సంగతి అందరికీ తెలిసిందే. విడుదల రోజు నుండీ ఆ సినిమాకు పరిశ్రమలో ప్రముఖుల నుండి ప్రశంశలు వస్తూనే ఉన్నాయి.
అదే కోవలో ట్విట్టర్ వేదికగా మహేష్ బాబు కూడా ఒక ట్వీట్ చేశారు. 'లిటిల్ హార్ట్స్' సినిమాను అభినందిస్తూ... "ఈ సినిమా ఆద్యంతం నవ్వులతో కొనసాగింది. ఒక నవ్వుల రైడ్ లాగే ఉంది. ఇందులో నటించిన యువతరమంతా చక్కగా నటించారు, 'లిటిల్ హార్ట్స్' బృందానికి నా అభినందనలు" అని ట్వీట్ పెట్టారు. అంతేకాకుండా "తమ్ముడూ సింజిత్.. దయచేసి నువ్వు ఫోన్ ఆఫ్ చేసేసి ఎక్కడికీ వెళ్లొద్దు, అతి త్వరలో అవకాశాలతో నువ్వు బిజీ అవ్వబోతున్నావ్" అంటూ జోడించారు. దానికి కారణం ఆ చిత్ర సంగీత దర్శకుడు సింజిత్ ఎర్రమిల్లి మహేష్ బాబు వీరాభిమాని. ఇటీవలే ఆయన ఓ ఇంటర్వ్యూలో మాట్లాడుతూ..."నేను మహేష్ బాబు వీరాభిమానిని, మా సినిమాను అభినందిస్తూ నా అభిమాన మహేష్ బాబు ఒక్క ట్వీట్ వేస్తే చాలు, ఓ వారం రోజులు ఫోన్ ఆఫ్ చేసేసుకొని, ఆ ఆనందంలో ఎక్కడికో వెళ్లిపోతాను" అనడం జరిగింది. ఆ మాటలు మహేష్ బాబు దృష్టికి చేరడంతో, సినిమాను చూసి సినిమా పట్ల, తన అభిమాని పట్ల సంతోషాన్ని వ్యక్తం చేసినట్టు తెలుస్తుంది. మహేష్ బాబు ట్వీట్ కు సమాధానంగా సింజిత్ ఎర్రమిల్లి కూడా ట్వీట్ పెట్టడం జరిగింది. "నేను ఇంక ఎక్కడికీ వెళ్ళను అన్నా" అంటూ మహేష్ బాబు ట్వీట్ ను కోట్ చేస్తూ ఆనందంతో చిందులు వేస్తున్నట్టు మహేష్ బాబు 'గుంటూరు కారం'లో పాటను కూడా ఆ ట్వీట్ కు జోడించడం జరిగింది.
#Littlehearts….fun, fresh and big in ❤️❤️❤️the cast is extraordinary…. Especially the young ones.. phew !!! sensatiional acting😍😍😍What a joy ride!!! @SinjithYerramil Nuvvu daya chesi phone aapesi yekkadiki vellodhu brother…. It’s going to be really busy for a…
