భీమవరం టాకీస్ పతాకంపై తుమ్మలపల్లి రామసత్యనారాయణ నిర్మిస్తున్న 90వ చిత్రం "అవంతిక" అసాధారణ విజయం సాధించాలని ఆకాంక్షించారు మాజీ ముఖ్యమంత్రి, మాజీ గవర్నర్ డా.కొణిజేటి రోశయ్య. పూర్ణ టైటిల్ పాత్ర పోషిస్తున్న "అవంతిక" చిత్రం ట్రైలర్ ను రోశయ్య విడుదల చేశారు. తనకు చిరకాలంగా సన్నిహితుడు, సహృదయుడైన రామసత్యనారాయణ త్వరలోనే నూరు చిత్రాలు పూర్తి చేయాలని ఈ సందర్భంగా రోశయ్య ఆశీర్వదించారు.
హైద్రాబాద్ లోని ప్రసాద్ ల్యాబ్ లో జరిగిన ఈ వేడుకలో ప్రతాని రామకృష్ణగౌడ్, సాయివెంకట్, శివాజీరాజా, కృష్ణుడు, సత్యారెడ్డి తదితర ప్రముఖులతోపాటు చిత్ర బృందం పాల్గొంది. తను నిర్మించే నూరవ చిత్రం ప్రారంత్సవాన్ని రోశయ్యగారి చేతుల మీదుగానే జరుపుతానని పేర్కొన్న రామసత్యనారాయణ- చిత్ర దర్శకుడూ శ్రీరాజ్ బళ్లా "అవంతిక" చిత్రాన్ని అద్భుతంగా తీర్చిదిద్దాడని, దర్శకుడిగా అతనికి చాలా మంచి భవిష్యత్ ఉందని అన్నారు.
అతిధులందరూ "అవంతిక" ఘన విజయం సాధించాలని అభిలషించారు.
